Dim Gwastraff ac Economi Gylchol
Rydym yn gweithio ochr yn ochr â thimau i ddarparu arbenigedd ychwanegol, offer ymarferol a chymorth uniongyrchol pan fo capasiti mewnol yn gyfyngedig.
Mae sefydliadau’r sector cyhoeddus o dan bwysau i leihau gwastraff, gwella effeithlonrwydd adnoddau ac ymateb i newidiadau mawr mewn polisi a chyllido, wrth gefnogi’r trawsnewid i economi fwy cylchol.
Mae Llywodraeth Ganolog y DU yn gosod y cyfeiriad polisi ar gyfer diwygiadau mawr megis Cyfrifoldeb Estynedig Cynhyrchwyr (Extended Producer Responsibility) ac Ailgylchu Symlach (Simpler Recycling). Yna mae angen i gynghorau a chyrff eraill yn y sector cyhoeddus ddeall beth mae’r newidiadau hyn yn ei olygu yn ymarferol, gwneud penderfyniadau gwybodus a darparu gwasanaethau dibynadwy sy’n cynnig gwerth am arian i drigolion.
Mae angen trosi polisi economi gylchol yn gamau gweithredu ymarferol sy’n cefnogi tŵf economaidd wrth leihau dibyniaeth ar adnoddau cyfyngedig.
Sut mae Partneriaethau Lleol yn helpu gyda’r her hon
Mae Partneriaethau Lleol yn helpu cynghorau a chyrff ehangach y sector cyhoeddus i ymateb i newidiadau polisi a throsi uchelgais economi gylchol yn gyflawniad ymarferol.
Rydym yn darparu cymorth ymarferol ac annibynnol i asesu opsiynau, gwella ailgylchu, rheoli costau, cryfhau llywodraethiant a nodi cyfleoedd economi gylchol sy’n gwneud defnydd gwell o adnoddau.
Mae penderfyniadau ynghylch gwastraff, ailgylchu a’r economi gylchol yn effeithio ar wasanaethau, costau, perfformiad amgylcheddol a gwydnwch economaidd hirdymor.
Mae gwneud y penderfyniadau cywir yn helpu sefydliadau’r sector cyhoeddus i gyflawni dyletswyddau statudol, lleihau effaith amgylcheddol, defnyddio adnoddau’n fwy effeithlon a darparu newid ymarferol ar gyfer cymunedau, busnesau a’r economi ehangach.
Oes angen cymorth gyda dim gwastraff ac economi gylchol?
P’un a’i ydych yn adolygu eich strategaeth wastraff, yn paratoi ar gyfer newidiadau polisi, yn gwella perfformiad ailgylchu neu’n rhoi egwyddorion economi gylchol ar waith, gall Partneriaethau Lleol helpu.
Defnyddiwch y ffurflen ar waelod y dudalen hon i roi gwybod i ni pa gymorth sydd ei angen arnoch, a bydd ein tîm Dim Gwastraff ac Economi Gylchol yn cysylltu â chi.
Polisi a Strategaeth Economi Gylchol
Rydym yn helpu llywodraethau, cynghorau a chyrff cyhoeddus i ddatblygu strategaethau economi gylchol sy’n seiliedig ar dystiolaeth ac sy’n lleihau gwastraff, yn gwella defnydd o adnoddau ac yn cefnogi gwydnwch amgylcheddol ac economaidd.
Newid Polisi a Gweithredu
Rydym yn helpu cyrff cyhoeddus i ymateb i ddiwygiadau mawr, gan gynnwys Cyfrifoldeb Estynedig Cynhyrchwyr, Cynllun Dychwelyd Ernes, Ailgylchu Symlach a gofynion sy’n newid ar gyfer seilwaith gwastraff.
Ailgynllunio Gwasanaethau Gwastraff ac Ailgylchu
Rydym yn cefnogi cynghorau i adolygu gwasanaethau gwastraff ac ailgylchu, deall gofynion y dyfodol a dylunio gwasanaethau sy’n effeithlon, yn wydn ac yn addas ar gyfer polisïau sy’n newid.
Cynllunio a Buddsoddi mewn Seilwaith
Rydym yn darparu cymorth masnachol, cyfreithiol a thechnegol i helpu cyrff cyhoeddus i gynllunio, caffael a darparu seilwaith gwastraff ac adnoddau sy’n diwallu anghenion y dyfodol.
Gwydnwch Gwasanaethau a Gwerth am Arian
Rydym yn helpu cynghorau i reoli pwysau costau, sicrhau bod gwasanaethau hanfodol yn addas ar gyfer y dyfodol a gwella gwydnwch hirdymor wrth reoli gwastraff ac adnoddau.
Achosion Busnes a Gwerthuso Opsiynau
Rydym yn helpu sefydliadau i asesu opsiynau, datblygu achosion busnes cadarn a gwneud penderfyniadau hyderus ynghylch gwasanaethau gwastraff, ailgylchu a rheoli adnoddau yn y dyfodol.
Cymorth Caffael a Chontractau
Rydym yn cefnogi prosesau caffael, datblygu contractau a darparu cyngor masnachol, gan gynnwys offer ymarferol megis contractau enghreifftiol ar gyfer trin gwastraff bwyd a threulio anaerobig.
Ail-ddefnyddio, Trwsio ac Effeithlonrwydd Adnoddau
Rydym yn helpu sefydliadau i nodi cyfleoedd i ymestyn oes cynhyrchion, lleihau gwastraff a gwneud defnydd gwell o ddeunyddiau ar draws systemau lleol.
MHCLG
DEFRA
Welsh Local Government Association WLGA
Waste Resources Action Programme WRAP
Contact Local Partnerships
"(Gofynnol)" indicates required fields
Talk to Us
