Grant Peisley

Ymunodd Grant Peisley â Phartneriaethau Lleol ar sail ran-amser ym mis Mawrth 2024 i weithio ar raglen Ynni Cymru.

Ers 2012, mae wedi canolbwyntio ar ddatblygu cwmnïau a phrosiectau ynni adnewyddadwy sy’n eiddo i gymunedau. Mae Ynni Cymru yn cyd-fynd yn agos â’i brofiad, gan gydweithio â Llywodraeth Cymru i ehangu cynhyrchu ynni adnewyddadwy mewn perchnogaeth leol ledled Cymru. Mae’r fenter hon yn sicrhau bod manteision ynni adnewyddadwy yn cael eu cadw’n lleol ac yn gosod Cymru fel arweinydd ym maes prosiectau ynni lleol clyfar.

Grant yw Cyfarwyddwr Sefydlol Datblygiadau Egni Gwledig (DEG), menter cymdeithasol sydd wedi ennill nifer o wobrau. O dan ei arweinyddiaeth, mae DEG wedi cefnogi mentrau dan arweiniad cymunedau ledled gogledd-orllewin Cymru yn llwyddiannus, gan gynnwys consortiwm Cyd Ynni, sy’n datblygu prosiectau ynni adnewyddadwy newydd, a GwyrddNi, mudiad gweithredu hinsawdd cymunedol sy’n dod â phum ardal yng Ngwynedd ynghyd i fynd i’r afael â newid hinsawdd ar lefel leol.

Mae hefyd yn gwasanaethu fel cyfarwyddwr sefydlol a gwirfoddol ar gyfer YnNi Teg ac YnNi Newydd, mentrau cymdeithasol sy’n darparu prosiectau ynni adnewyddadwy mewn perchnogaeth gymunedol. Er enghraifft, mae YnNi Teg, datblygwr seilwaith ynni glân mewn perchnogaeth gymunedol sy’n gweithredu ledled Cymru, yn cydweithio â sefydliadau lleol i alluogi cymunedau i gymryd mwy o reolaeth dros eu hynni, gan gyfrannu at Gymru fwy gwydn. Maent yn gweithredu tyrbin gwynt cymunedol a fferm solar yn Sir Gaerfyrddin, sy’n cynhyrchu ynni glân ac incwm ar gyfer mentrau lleol.

Yn ogystal â’i waith ymarferol, mae Grant yn cyfrannu at arweinyddiaeth feddylfrydol yn y sector. Cyd-awdurodd y bennod “Pride is the key: the built environment, social housing and fuel poverty” yn Child Poverty in Wales (Gwasg Prifysgol Cymru, 2023), a’r erthygl “Enhancing community involvement in low-carbon projects” ar gyfer rhaglen Ymchwil Ynni ac Amgylchedd Carbon Isel (LCEE) yn 2023.

Yn wreiddiol o Awstralia, mae Grant wedi dod yn rhugl yn y Gymraeg er mwyn ymgysylltu’n llawn â chymdeithas Cymru. Mae ganddo radd mewn seicoleg, Diploma Ôl-raddedig mewn Rheolaeth Weithredol (PgDip), Tystysgrif Arweinyddiaeth Strategol ILM7, ac mae’n Gymrawd o’r Institute of Leadership.