Ad-drefnu Llywodraeth Leol
Ad-drefnu Llywodraeth Leol – Helpu cynghorau i lywio ad-drefnu Llywodraeth Leol yn hyderus
Cymorth i helpu cynghorau i baratoi ar gyfer ad-drefnu llywodraeth leol, rheoli cymhlethdod a symud o gynllunio i gyflawni yn hyderus.
Mae Ad-drefnu Llywodraeth Leol yn gofyn am gannoedd o benderfyniadau a fydd yn llywio dyfodol awdurdodau newydd. Mae cynghorau eisoes o dan bwysau, ac mae ad-drefnu yn ychwanegu lefelau newydd o bwysau, risg a chraffu. Gall Partneriaethau Lleol eich helpu i gyflawni pontio sydd wedi’i lywio gan dystiolaeth ac wedi’i gynllunio’n dda.
Mae Partneriaethau Lleol yn gweithredu fel cynghorydd strategol a phartner cyflawni, gan weithio’n aml fel cymorth wedi’i ymgorffori o fewn awdurdodau lleol. Rydym yn gweithio ochr yn ochr â thimau rhaglen lleol, adrannau’r llywodraeth a rhanddeiliaid allweddol, gan ddarparu mewnwelediad, capasiti, sicrwydd a chefnogaeth “cyfaill beirniadol” drwy gydol y broses o ad-drefnu.
Rydym yn cefnogi cynghorau ym mhob cam o’r daith: o gasglu data a chynllunio cyn penderfyniadau, drwy sefydlu Swyddfa Rheoli Rhaglen, trefniadau llywodraethiant, contractau, trefniadau masnachol, asedau a dylunio gwasanaethau, hyd at gynllunio awdurdodau cysgodol, gwireddu buddion a thrawsnewid ar ôl trosglwyddo swyddogaethau.
Cynllunio Strategol
Rydym yn helpu cynghorau i ddiffinio eu dull gweithredu o safbwynt ad-drefnu, deall blaenoriaethau a chynllunio’r llwybr o gynigion i weithredu.
Modelau Gweithredu’r Dyfodol
Rydym yn cefnogi cynghorau i ystyried strwythurau, modelau gwasanaeth a threfniadau cyflawni ar gyfer awdurdodau newydd neu sy’n newid.
Tystiolaeth a Sefydlu Llinell Sylfaen
Rydym yn helpu cynghorau i adeiladu sylfaen dystiolaeth gyffredin, deall goblygiadau i wasanaethau a chreu darlun cliriach o’u man cychwyn.
Gwerthuso Opsiynau
Rydym yn cefnogi cynghorau i asesu opsiynau, profi rhagdybiaethau a gwneud penderfyniadau gwybodus ynghylch darpariaeth gwasanaethau yn y dyfodol.
Diwydrwydd Dyledus
Rydym yn helpu cynghorau i ddeall risgiau ariannol, cyfreithiol, contractiol, gweithredol a gwasanaeth cyn gwneud penderfyniadau.
Llywodraethiant a Gwneud Penderfyniadau
Rydym yn cefnogi trefniadau llywodraethiant clir, rolau a chyfrifoldebau fel bod modd gwneud penderfyniadau’n hyderus yn ystod y cyfnod pontio.
Cynnal Busnes Fel Arfer
Rydym yn helpu cynghorau i reoli risgiau ad-drefnu wrth barhau i ddarparu gwasanaethau hanfodol i drigolion.
Offer, Canllawiau a Dysgu
Rydym yn datblygu adnoddau ymarferol, gweminarau a thempledi i helpu cynghorau ledled y wlad i lywio’r broses ad-defnu’n fwy effeithiol.
Cysylltu â Local Partnerships
"(Gofynnol)" indicates required fields
Siaradwch â ni
