Tai, Adfywio a Seilwaith
Cymorth i helpu sefydliadau’r sector cyhoeddus i ddatgloi datblygiad, darparu cartrefi, cryfhau lleoedd ac adeiladu’r seilwaith sydd ei angen ar gymunedau.
Mae cynghorau, awdurdodau cyfun a chyrff y sector cyhoeddus o dan bwysau cynyddol i ddarparu mwy o gartrefi, adfywio lleoedd a symud ymlaen â seilwaith sy’n cefnogi tŵf economaidd a chanlyniadau gwell i gymunedau. Fodd bynnag, mae llawer yn wynebu rhwystrau sylweddol i gyflawni, gyda chynlluniau’n cael eu hatal oherwydd cyfyngiadau hyfywedd, gofynion cymhleth ynghylch cydosod tir a seilwaith, pwysau ariannol, a diffyg capasiti mewnol neu arbenigedd arbenigol.
Sut mae Partneriaethau Lleol yn helpu gyda’r her hon
Mae Partneriaethau Lleol yn cefnogi sefydliadau’r sector cyhoeddus i symud o uchelgais i gyflawni. Rydym yn darparu cymorth ymarferol sydd wedi’i lywio gan ddealltwriaeth fasnachol ar draws darparu tai, adfywio, cynllunio, datblygu a seilwaith.
Mae ein cymorth yn cwmpasu cylch bywyd llawn prosiect, o archwilio opsiynau ac asesu hyfywedd, i ddatblygu achosion busnes, sicrhau cyllid, creu cynigion deniadol ar gyfer buddsoddi, a chryfhau llywodraethiant a sefydlu trefniadau cyflawni a phartneriaethau effeithiol.
Mae penderfyniadau ynghylch tai, adfywio a seilwaith yn siapio lleoedd am genedlaethau. Mae gwneud y penderfyniadau cywir yn helpu i ddatgloi datblygiadau, darparu cartrefi newydd, adfywio canol trefi, cryfhau economïau lleol a chreu cymunedau gwydn sydd wedi’u cysylltu’n well.
Oes angen cymorth gyda thai, adfywio neu seilwaith?
P’un a’i ydych yn ceisio datgloi safle sydd wedi’i atal, cyflymu’r broses o ddarparu tai, cryfhau achos busnes, cynllunio buddsoddiad mewn seilwaith, adfywio canol tref neu ddewis y model cyflawni mwyaf addas, gall Partneriaethau Lleol helpu.
Defnyddiwch y ffurflen ar waelod y dudalen hon i roi gwybod i ni pa gymorth sydd ei angen arnoch.
CHoSS
Gwasanaeth Cymorth Adeiladu Tai Cynghorau
PBH
Carcharorion yn Adeiladu Cartrefi
Darparu Tai a Thai Fforddiadwy
Rydym yn helpu sefydliadau’r sector cyhoeddus i ddatgloi’r broses o ddarparu tai, cynyddu’r cyflenwad o dai fforddiadwy a gwneud penderfyniadau hyderus ynghylch opsiynau cyflawni.
Strategaethau Adfywio ac Adnewyddu Canol Trefi
Rydym yn cefnogi adfywio sy’n seiliedig ar leoedd, gan helpu cleientiaid i lunio strategaethau realistig ar gyfer canol trefi, prif strydoedd a thwf lleol.
Safleoedd sydd wedi’u Hatal, Hyfywedd a Gwerthuso Opsiynau
Rydym yn helpu cleientiaid i ddeall beth sy’n atal safleoedd rhag symud ymlaen a nodi opsiynau ymarferol y gellir eu cyflawni.
Achosion Busnes a Strategaethau Cyllido
Rydym yn cefnogi datblygu achosion busnes cadarn a dulliau cyllido sy’n gallu gwrthsefyll craffu a denu buddsoddiad.
Cynllunio a Blaenoriaethu Seilwaith
Rydym yn helpu sefydliadau i gynllunio, blaenoriaethu ac alinio buddsoddiad mewn seilwaith â thai, tŵf ac amcanion ehangach sy’n ymwneud â lleoedd.
Modelau Cyflawni, Llywodraethiant a Phartneriaethau
Rydym yn darparu cyngor ar y strwythurau, partneriaethau a threfniadau llywodraethiant mwyaf addas i gefnogi cyflawni effeithiol.
Rheoli Prosiectau a Rhaglenni
Rydym yn darparu’r capasiti a’r gallu i helpu timau i symud prosiectau cymhleth ym maes tai, adfywio a seilwaith ymlaen.
Llety Dros Dro a Gwella Tai
Rydym yn cefnogi cynghorau a phartneriaid i ymateb i bwysau tai, gwella canlyniadau tai ac archwilio atebion cyflawni ymarferol.
Cysylltu â Local Partnerships
"(Gofynnol)" indicates required fields
Siaradwch â ni
