Howel Jones

Mae Howel Jones yn Uwch Gyfarwyddwr yn Uned Fusnes Cynaliadwyedd a Chadernid Partneriaethau Lleol.

Mae’n arwain ein gwaith gyda’r sector cyhoeddus i:

• gyflwyno dulliau strategol ac ymarferol i leihau allyriadau carbon a chyflawni net sero;
• cynllunio ar gyfer addasu i’r newid yn yr hinsawdd, gan helpu awdurdodau lleol i asesu’r effeithiau y bydd hinsawdd sy’n newid yn eu cael yn eu hardaloedd a deall pa waith fydd ei angen i ymateb i’r heriau hyn;
• datblygu, lleihau risgiau a chyflymu’r broses o gyflwyno seilwaith ynni adnewyddadwy a phrosiectau effeithlonrwydd ynni;
• datblygu a gweithredu strategaethau ar gyfer effeithlonrwydd adnoddau a datblygu systemau gwydn i leihau gwastraff a hwyluso economi gylchol.

Mae gan Howel dros 20 mlynedd o brofiad o gefnogi rhaglenni buddsoddi, gan gynnwys prosiectau Menter Cyllid Preifat (PFI) a Phartneriaethau Cyhoeddus-Preifat (PPP), ar draws cylch oes llawn prosiectau mewn amrywiaeth eang o sectorau. Arweiniodd ein gwaith ar ddatblygu a chyflwyno’r rhaglen trin gwastraff gweddilliol a gwastraff bwyd, gan weithio gyda Llywodraeth Cymru a phob un o’r 22 awdurdod lleol yng Nghymru.

Gweithio gyda Llywodraeth Cymru ac Ynni Morol

Mae ganddo brofiad helaeth o sefydlu fframweithiau cadarn ar gyfer rheoli rhaglenni a phrosiectau, ac mae ganddo arbenigedd sylweddol ym maes cynhyrchu ac adolygu achosion busnes, yn fwyaf diweddar ar gyfer Rhaglen Ynni Morol gymhleth a graddfa fawr Llywodraeth Cymru.

Mae wedi gweithio yn y sectorau cyhoeddus a phreifat, gydag awdurdodau lleol ac adrannau’r llywodraeth. Mae’n gyfrifydd sector cyhoeddus cymwysedig (CIPFA) ac mae ganddo sgiliau masnachol eang y mae wedi’u defnyddio mewn trafodaethau fel rhan o’r broses deialog gystadleuol.

Mae Howel yn siarad Cymraeg yn rhugl.