Carwyn Davies
Ymunodd Carwyn Davies â Phartneriaethau Lleol ym mis Ionawr 2024 fel Arweinydd Strategol ar gyfer Gwasanaeth Ynni Llywodraeth Cymru, gan gefnogi’r sector cyhoeddus ledled Gogledd a Chanolbarth Cymru ar ystod eang o brosiectau seilwaith, effeithlonrwydd ynni ac ynni adnewyddadwy sy’n cwmpasu nifer o dechnolegau.
Fel siaradwr Cymraeg rhugl sydd wedi defnyddio’r Gymraeg fel iaith gyntaf erioed, mae Carwyn wedi gweithio mewn sawl awdurdod lleol yng Ngogledd a Chanolbarth Cymru mewn gyrfa sy’n ymestyn dros 20 mlynedd a mwy. Yn ystod y cyfnod hwn, mae wedi datblygu profiad sylweddol o lywodraeth leol ar lefel uwch ar draws nifer o sectorau, gan gynnwys cael ei benodi’n Bennaeth ar ysgol uwchradd Gymraeg fawr cyn ymuno â Chyngor Bwrdeistref Sirol Wrecsam fel Uwch Swyddog gyda’r cyfrifoldeb o arwain a gweithredu rhaglen statudol genedlaethol o fewn y fwrdeistref sirol.
Arweiniodd hyn at gyfleoedd i ddatblygu cydweithio rhwng y chwe awdurdod lleol yng Ngogledd Cymru, a chwaraeodd Carwyn ran strategol a gweithredol bwysig yn natblygiadau a gweithrediad rhanbarthol.
Ar hyn o bryd, mae Carwyn yn cefnogi Gwasanaeth Ynni Llywodraeth Cymru, gan weithio ar draws y sector cyhoeddus cyfan yng Nghymru i gefnogi cleientiaid wrth gyflawni eu huchelgeisiau Net Sero.
Mae gan Carwyn gefndir academaidd mewn daearyddiaeth, a hwn oedd ffocws ei radd BSc (Anrh) a’i radd MSc. Mae hefyd yn meddu ar gymhwyster proffesiynol NPQH.
Carwyn gyda Phrif Weinidog Cymru, Eluned Morgan AS, yn Eisteddfod Genedlaethol 2025 yn rhannu gwaith rhagorol Partneriaethau Lleol yng Nghymru
Carwyn Davies gydag Arweinydd Plaid Cymru, Rhun ap Iorwerth AS, yn Eisteddfod Genedlaethol Wrecsam 2025 yn rhannu gwaith rhagorol Partneriaethau Lleol yng Nghymru
Carwyn Davies yn ymuno â Dirprwy Brif Weinidog Cymru, Huw Irranca-Davies AS, yn Ysgol Brynhyfryd yn Sir Ddinbych, Gogledd Cymru, i weld sut mae cymorth Llywodraeth Cymru drwy Wasanaeth Ynni Llywodraeth Cymru wedi helpu i osod pympiau gwres a phaneli solar yn yr ysgol. Mae Partneriaethau Lleol yn bartner cyflawni i Wasanaeth Ynni Llywodraeth Cymru ac yn gweithredu fel arweinydd strategol.
Carwyn Davies yn cyflwyno yn nigwyddiad Taith tuag at Gymru Net Sero 2025 a gynhaliwyd gan Lywodraeth Cymru, Gwasanaeth Ynni Llywodraeth Cymru a Salix yn Venue Cymru, Llandudno
Carwyn Davies a chydweithwyr Partneriaethau Lleol yng Nghynhadledd Cymdeithas Llywodraeth Leol Cymru 2025 yn Venue Cymru, Llandudno
Carwyn Davies yn nigwyddiad Taith tuag at Gymru Net Sero 2024 a gynhaliwyd gan Lywodraeth Cymru, Gwasanaeth Ynni Llywodraeth Cymru a Salix yn Venue Cymru, Llandudno
Carwyn yn cefnogi lansiad Adroddiad Effaith diweddaraf Gwasanaeth Ynni Llywodraeth Cymru
Partneriaid a sefydliadau cyswllt
Contact Local Partnerships
"(Gofynnol)" indicates required fields
Talk to Us
